Backenbläser
Wie die "Plänkschter Backenbläser" (vielleicht) - zu ihrem Namen kamen
( von Ulrich Kobelke )
Die Plankstädter sind in der Region allgemein als Backenbläser bekannt. Zur Entstehung dieses Namens gibt es eine Geschichte, deren Wahrheitsgehalt allerdings nicht verbürgt ist. Ob die folgende Geschichte der Wahrheit entspricht oder nicht, lässt sich natürlich nicht mehr nachprüfen , aber auch wenn sie nicht wahr sein sollte, so ist sie wenigstens gut erfunden und kann zur Erklärung des Spitznamens der Plänkschter immer herangezogen werden. Erzählt wurde die Geschichte vom früheren Rektor der Friedrichschule Berthold Fertig, anlässlich eines Vortrages im Rahmen der 1200 - Jahrfeier im Jahre 1971 und seinen Worten zufolge hatte er sie einem Aufsatz, der in der Schule geschrieben wurde entnommen. Leider ist der Verfasser dieses Aufsatzes nicht genannt worden .
Der Vetter Hahn - der Hahne-Schuhmacher - erzählte, der Uznamen "Backenbläser" sei im Hofe seines Hauses in der Wilhelmstraße 1 da wo heute die Bezirkssparkasse ihr Domizil hat entstanden, und zwar bei seinem Urgroßvater von dem er die Geschichte überliefert bekam. In früheren Zeiten seien allerhand fahrende Händler auf den Hof gekommen, darunter Silbersandmänner, Siebverkäufer, Meerrettichhändler, Handkäs - Vettere, Kappenmacher, Mausfallenhändler, Schirm - und Kesselflicker, Scherenschleifer und auch ein Peitschenverkäufer aus Polen. Trotz ihrer welschen Sprache waren die Polen recht erfolgreiche Händler.
Eines Tages aber wollte sich der Bauer partout keine neue Peitsche aufschwatzen lassen und fauchte den hartnäckigen Peitschenverkäufer an: "Unsa Geil sin brav, die brauche koa Beitsch - un du bisch in schlechta Polack!" Der verteidigte sich so gut er eben konnte. "Ich bin guda Polack - aber du bisch schlechta 'Blos di Back'!" Über diesen Reim musste selbst der Bauer mit seinen vollen Backen lachen und kaufte dem Polen dann doch noch eine Peitsche ab.
Die umstehenden Nachbarskinder freuten sich über den Uznamen "Blos die Back" und formten ihn zum weitererzählen um in "Backenbläser". Natürlich wurde die Geschichte auch in den Nachbarorten weitererzählt und kein Wunder die Plänkschter wurden fortan Backenbläser genannt.
Noch'n Gedicht !
In den zahlreichen hinterlassenen Unterlagen des unvergessenen "rasenden Reporters" Gustl Stroh findet sich ein gereimter Text, dessen Urheber allerdings nicht genannt wird - vielleicht hat er ihn auch selbst gedichtet:
Ja , mir Blängschder sin im ganze Land
als Backenbläser wohl bekannt.
Rote Backe , runde G'sischter,
luschdische Aahre - Sunnelischder;
sehe aus wie 's bliehende Leewe,
die volle Backe vun Gott gegeewe.
Schäne Gübsche do am Kinn,
und imma frehlich unsern Sinn;
un immer genug Geld im Baitel,
so isch 's - Gewitter - Dunnerkeitel.
Mea mache heiter immer weiter,
mir hewwe iwwahaubd kä Angschd -
Hoch lewe Blangschd !
von Gustl Sroh
Baggebläser (Für Freunde des Dialektes)
Meer Blängschda sinn vunn aldas her bei uns im Land mid dämm Uznoame " Die Baggebläser" waid bekand. Mansche Laid die dääde gean heere wuu kummd dann bloaus der Noame her, unn wer kanns uns mool ägläre. Die alde Blängschda hawes fria nädd laischd kadd unn mussde sich oft geje vieles kräfdisch weare, viel woahre Bauare unn oft gings ums Land odda um die Ehre. Die Laid hawe ofd in ehrm Lewe ganz vabisse um ehr Reschde kämfe misse. Der Sads dänn head ma oft ganz unvadrosse "Ma kann sich doch nädd alles gfalle losse". Sie kämfde hadd um ern Houf unn ehr Aggaland, desweje woare sie ball als stur unn laud bekand. Sich sou änergisch duaischsedze känne des mussde die oa erschd mool länne. Meer, also die Laid die jedzadd in Blangschd woane,fa uns duud sich des haid rischdisch loane. Denn "Loan" vunn dänne Blängschda Alde, dänn duun Meer haid vawalde. Die Maischde sinn schunn lang gegange, unn viel isch mid da Zaid vaflosse, awa sie hawe uns zum Gligg ähr Woad "Baggebläser" hinnalosse. Meer duuns schää vawende unn in Ehre halde, oa an die Junge waidagewe denn ball sinn Meer die Alde. Die haidische Blängschda solde sisch desweje nädd schämme unn liwa ebbes draus lenne, das Meer Blängschda uns oa in da Zukunfd mid "kräfdische Woadde" muudisch weehre känne.
vun Karl Grimmer 2017
Ach! die aldä Blängschda
Ein Norddeutscher zieht nach "Blangschd".
Nach ein paar Tagen trifft er auf der Straße zum ersten mal auf einen "Eingeborenen" und er kommt auch gleich mit ihm in ein Gespräch:
Norddeutscher: In ihrem Ort hier ist es ja wirklich sehr schön.
Blängschda: Ja, Ja bei uns doo ischs schunn aig schää.
Norddeutscher: Ich habe gehört das bei ihnen hier im Ort viele Leute sehr alt werden.
Blängschda: Ja, Ja des isch nädd gäloche des schdimd schunn.
Norddeutscher: Wie alt sind sie denn ?
Blängschda: A isch bin oa schunn oanesiebzisch.
Norddeutscher: Lebt denn ihr Vater noch ?
Blängschda: Hajo, der lebt noch, awa uff denn bin isch groad nedd so aig guud zu schbräsche.
Norddeutscher: Wie alt ist er denn ?
Blängschda: A der isch middlawaile oanänainzisch, awa imma widda da glaischä Äija.
Norddeutscher: Weshalb haben sie denn Krach mit ihrem Vater ?
Blängschda: A imma widda da selwä Händl wäjem Grousvadda !
Norddeutscher: Was, ihr Großvater lebt auch noch ! Wie alt ist der denn ?
Blängschda: A unsann Grousvadda der isch jedzadd hunnadzähne, awa jedesmool`s glaische Gägrisch mid dämm.
Norddeutscher: Einhundertzehn Jahre das ist ja ein biblisches Alter, und was haben sie denn für ein Problem mit ihm ?
Blängschda: A wann der Langwail hood dann gleddada midd da alde Loada uff unsann Käscheboam unn geed ums varegge nimmi runna.
vun Karl Grimmer 2017
Blängschda Vakehrsbäruischung
Da alde Helmud tuggadd midd saim uralde Lanz Bulldog midd faschd zäh Kilomeda inn Blangschd duaisch die Ebblaschdrooß. Hinna ähm foahre ball zwanzisch Audos heer unn huube laud wail sie hald nädd vabaifoahre känne.
Doo guggd groad da Willi zu saim Fenschda naus, unn glai riefd sai Froa vunn hinne : "Willi was isch dann doo draus blous lous , warum ischs ann doo sou aig laud".
Da Willi lachd unn riefd zurigg : "A unsann Helmud isch groad mool widda midd saim langsoome alde "Säifdikar" Rischdung Ebbele unnawegs!"
In schääna Droam
Ä eldares Ehjepoar vunn Blangschd hoggd moajends beim Frieschdigg.
Er seschd zu Ehrä : Ach , isch häbb haid Nachd in schääne Droam ghadd , isch wär midd maim naijä Rennroad nooch Spaija gfoarä, des woa schää !
Doodruff seschd Sie : A isch häbb oa in schääne Droam ghadd haid Nachd , Isch wär am Schdrand vunn änare Siedseeinsl im waise Sand am Meer in da Sunn geleje , ma head `s Meer rausche unn newedroa in groasse kiile Longdring , ach woa des schää!
Doadruff seschd er : Ach Froa doo häddsch doch was soarä känne doo wär isch doch oa midd?
Dann seschd Sie : A här du Dummkobb, Du woasch doch midd daim naijä Rennroad groad in Spaija !
Wuu isch ann Dahoam
Dahoam isch , doo wuu ma dain schääne Dialeggd babbld unn wuu die Ausgäwädischä glai bägraifä : "Oh Godd , isch gloab isch hädd doch liewwa mai Gosch ghalde!"
Zwoa Gifdschlange
In Rendna hoggd mojends vorm Voglpaig inn Blangschd inn da Sunn uff änare Bangk , newa ähm sitzd sai gloanes schdrubbisches Schnauzale . Uff oamol kumme zwoa alde Doame gäloffe midd ehrä kloane Hundlin , unn die zwoa wolle oa glai zu dämm Schnauzale ränne , die ä Froa sied des unn riefd glai : "Harry , blaib blous doo schunsch hosch moaijä widda Fläi !"
Danooch riefd die zwaid Froa oa ehrm Hundl : "Bodo kumm sofoad her , schunsch missa ma moaijä zum Tieradzd unn disch imfä losse!" Sie hewwä sich dann noaghoggd uff die anna said vunn da Bangk. Dämm äldare Mann hood ma da Äija ganz schää im Gsichd oagsejä.
Unn s`dauad oa nädd lang und da kloane schdrubbischä Schnauza will jeddzd zu dänne zwoa Hundle hieränne , als des awa da Mann sied riefda laud : "Bärle blaib doo , doo newwä hogge zwoa alde Gifdschlange unn die schbriddzä ganz schää midd Gifd rumm , nädd das noch was abgrigsch?"
Die oamä Hingl
Isch gloab unnsa Hingl die sinn sou bladd wie Keegs , a doo woa doch unsann Oba midd saim alde Bulldog widda unnawegs!
Die Ailoadung
Ehr seschd zu saina Froa : Hoisch ämool , isch häbb iwwahaubd koa Luschd haid uff des Feschd vunn de Schäfas zu gää . Doodruff seschd sie : Awwa kansch du deer vorschdelle wie die sich freuä wann meer haid nedd kumme? Ehr moand : Du hoschd joo reschd , die Fraid hawwe die nedd vadiend , alla hobb noo gääne ma hald doch hie!
Im Schlossgoade
An ämme schääne woame Doag im Frieling hogge zwoa Rendna im Schwedzinga Schlossgoade uff oanare Bank. Uff oamool kummd ä guudgebaudes junges Meedl in ämme gut ausgschniddene Summahemml gäloffe unn frägd die zwoa ob uff da anare said vunn da Bank noch frei isch. Die zwoa Rendna nigge unn sie hoggd sisch hie.
Dann häld sie aus ehrm Rugsagg ä Flasch Schbruudl raus unn will sie uffmache dabei fälldare da Vaschluss uff de Bodde , sie biggd sich um inn uffzuhewe unn doodabai hewwe die zwoa Rendna in guude Aiblick in ehr guudgfildes Hemml.
Ä wail schbäda seschd da oane zum anare : "Ma missd hald nochemool Zwansisch sai , doo käänd ma hald noch was mache?"
Doodruff seschd da anare : "A isch gloab du bisch variggd , weje dänne poa Minudde nochemool Väzzischjohr schaffe , doo kann isch awa groad laischd druff vazischde!"
Die Gelariewe
Zwoa Blängschda Buwe hogge nooch da Schul im Houf uff da Staffl unn vazeele minanna . Oana baissd imma vunnare Gelarieb ab , noch oannare Wail frägd inn da annare :
"Warum ischd dann du imma sou gean Gelariewe?"
Der seschd dann doodruff :
"Mai Mamme hood gsoad wamma viel Gelariewe esse duud sou wie die Hoase dann brauchd ma mool wemm ma ald isch koa Brill , wail die guud voa die Oare sinn".
Doo riefd da annare laud :
"A wuuher will dann die des wisse?"
Glai kummd ä Andwoad :
"Hosch du schunnämool inn Hoas middare Brill gseä , unn üwwahaubd mai Mamme woaß alles , die woaß sogoa wuu unsann Babbe imma de Schnabbs unn da Oba die Zigoare vaschdeggld!"
Die Schroddewalz
Schdammdischgschbräsch : Her, hoschd schunn gheerd dämm Fräddy hawwe sie dä Fiehraschai abgenumme!
A was hodda dann gätriwwe?
Der schaffd doch bai oanare Baufirmoa unn fäadd doad die Schroddewalz, a die Bolizai hodd inn uff da Audoboahn oaghalde unn da Bolizischd hodd gsoad :
"Sie missde doch genau wisse das ma blous uff die Audoboahn derf wemma mehr als seschzisch Kilomeda ferd!"
Unn woasch was a dann doodruff gsoad hood? :
"A isch wolld doch blous vunn Blangschd nooch Mannem foahre, a dann foahrisch hald waida bis Frangfoad des missd doch dann lange, odda?"
Boad Minggolse
Im Thermalboad in Boad Minggolse im woame Wassa dreffe sisch rain zufällisch drai alde Blängschda die sisch awwa schunn aig lang kennä.
Da erschde frägd dä zwaide : Wejä was bisch dann du doo?
Ach isch häbb schunn lang maläa mit maine Gnie , unn doo im woame Wassa gehds hald viel bessa!
Unn wejä was bisch an du doo?
Isch mach schunn joahrelang midd maim Kraiz rumm unn s`wädd oafachd nädd bessa , awwa doo im schääne woame Wassa gehds viel bessa , des duud ma rischdisch guud! Dann frägd oana da driddä : Unn duu , wejä was bisch ann du doo?
Doodruff seschd deer A isch bin doo wail isch nädd sou rischdisch Pisse kann, awwa doo im schääne woame Wassa gehds hald oafachd viel bessa!
(Alla dann , doodevor zwoa Schmilais odda nädd?)
Noch gloor im Kobb!
In äldara Blängschda wädd uff da Schdroos vunn ämme Zaidungsräpoadda gfroagd was a sou mäschd umm oa im Alda noch gaischdisch vidd zu blaiwe.
Da Blängschda seschd zuämm: "A isch unn mai Froa meer mache faschd jeden Doag zamme Rendna Bingo!"
Da Räpoadda frägd : "Ja unn wie gehd ann des, des misse sie meer mool ergläre?" Doodruff seschd da Blängschda :"A desch isch ganz oafach, wann meer Zwoa inn unnsam Kella was holle misse, dann gääne ma zamme inn de Kella, unn wer dann wann ma unne sinn noch genau woas was a aigendlisch holle wolld, a der hood dann gäwunne!"
Die Unnasuchung
Da Hämann kummd mojends um fimfe vunn da Wäddschafd hoam unn hood hald wie schunn ofd oaschdännisch Oahna inn da Groon. Am achde mussa awwa baim Doggda sai voa ä wischdischi Unnasuchung. Da Doggda guggd inn ä Wail oa unn seschd dann: "Isch gloab des wädd awwa haid nix midd deer Unnasuchung, schunn äloa weje dämm viele Algehool?" Doodruff seschd da Hämann zum Doggda : "A Herr Doggda des meschd doch nix, isch kann jo mool widdakumme wann sie widda nischdann sinn!"
Im Gedenken ann dä liwä Hermann Karaschewski ( † 2020 )
Hämann dess isch Dain Widz, ja gänausou woara unsann Hämann,
unn werin gäkennd hood, a der wädds wissä!
A die kann sisch awwa mool was oaheerä!
Zwoa Blängschda die sisch schunn vunn frija her kännä dräffä sisch inn Blangschd baim Zoaaddzd inn demm saim Woadäzimma. Da oanä frägd da annarä: "Unn wie Ewald, warum bischann Du haid doo?" Doodruff seschd der: "Ach, Auguschd isch loss ma haid mool mai ganzä Lescha inn dä Zää zumachä!" Unn moand glai druff: "Unn warum bisch Du haid doo Auguschd?" Der seschd: "A isch holl groad mai Froa ab , die hood haid ehr naijä Zääh aigseddzd griggd , awwa`s allabeschdä doodroa isch , ab jeddzadd muss die inn ganzä Doag lang ehr Gosch haldä, bis ehr naijä Zääh widda feschd sinn!" Da Ewald muss lachä unn seschd: "Ja , unn was kannsch ann doo machä?" Da Auguschd muss oa lachä unn seschd: "Unn jeddzd hollä ma als ehrschdäss mool inn Kaschdä Bier dann foahrä ma Hoam unn dann mach isch meer ärschd mool ä Flasch Bier uff, awwa dann gehds erschd rischdisch lous! Dann soachrisch dehrä mool inn ganzä Doag lang allä Säddz fäddisch uff bai dännä sie meer inn dännä draisisch Joohr said ma schunn vahaijadd sinn imma widda midd ehrä Gosch glai bleed naigäquaddschd hood!
Da uraldä Gränzschdoa
Zwoa Blängschda dräffä sisch baim Doggda. Da Oanä seschd zum Annarä : "Heer Guschdl hoschd`s schunn gheerd baim groawä am naijä Roodhausoabau hewwä sie inn uraldä Blängschda Gränzschdoa gfunnä, unn doo woa sogoa noch was druffgschdannä, awwa ma hoods blous noch ganz schleschd lesä kännä!" Da Guschdl frägt : "Unn was woa ann doo druffgschdannä Luddwisch, a dess dääd misch mool indaressierä?" Da Luddwisch moand : "A da Willi vum Bauhouf hood zu meer gsoad dess missd hoasä : Oh Härgodd schidds uns vor Bliddz Schduam odda Wassamassä unn oa voa Schweddzinga die ehr Dorf valassä!".
Die Ewischkaid
Inn Blängschda Buu hoggd noochmidoags dahoam am Kischädisch unn meschd sai Hausuffgoawä, sai Mudda isch groad unnawegs unn sou um vierä rum kummd sain Vadda vum Gschäfd hoam. Er riefd glai :"Mensch Vadda du musch ma ubäbingd mool helfä, meer missä voa die Schul inn Uffsadds schraiwä üwwa "Die Ewischkaid", unn du musch ma mool vagliggarä was dess üwwahaubd isch, a doo woasisch üwahaubd nix driwwa". Da Vadda isch aig mied unn äijad sisch oaschdännisch :"Bävor die Aisch sou schwerä Sachä als Hausawaid uffgewä sollä sie aisch dess Zaig doch erschd mool rischdisch lännä unn äglerä, schunschd kännd da doch goanix Wissä doodriwwa! Jeddzadd geh hald mool her, allsou, wie soll isch da ann dess blous rischdisch vakassamadugglä? Allamool, -"Die Ewischkaid" isch als allaerschdäss mool woahnsinnisch aig lang, awwa dann zieg sie sich oa nochämool granoadämäsisch saulang hie, voa alläm gejä ährm End zu!"
A wäma hald Hunga hood!
Zwoa Blängschda Rendna loafä uffim Droddwoa die Schdroos endlang, uff oamool kummd ausim Houfdor vum ä Bauarähouf gänau voa ähnä ä Hingl rausgärennd unn rennd middämä affäzaggä iwwa die Schdroß. Glai danooch kummd da Goggl hinnänochgschossä unn will oa üwwa die Schdrooß rännä dämm Hingl hinnänoch. Middä uff dä Schdrooß liggd inn schääne groußä Maiskollwä der baim vabaifoahrä vunnarä Bauaräroll runnagfallä isch. Alls da Goggl denn schänä Maiskollwä gsejä hood ischa glai hie unn hood oafangä zu frässä. Als die zwoa Rendna dess gsejä hewwä do seschd da oahnä zum annarä "Heer, Äwin gloab mass, sou inn riesä Hunga wolld isch im maim Lewä niemools hawwä!"
Ä gloani Gschischd aus maim Lewwä!
Frija als isch noch inn gloana Buu woa doo hood inn unnsara Schdrooß inn Mann gäwohnd der woa Doggda unn hood groad sain Brofessa gämachd.
Ä Wail schbedda hewwe sie inn doadmools inn ä Hailoaschdald duu misse wail a inn de Schdrooße rummgeloffe isch unn hood uff oamool iwwahaubd nimmi hoam gfunne. Doomools hood main Vadda zu meer gsoad : "Buu , wamma hald so rischdisch aig gschaid isch , doo kanns oam laischd bassiere das ma variggd wärre kann". Isch , als gloana Buu wolld imma genau Dess mache was die Grouße oa gemachd häwwe , awwa wail isch des noch nädd gäkennd häbb doo hewwisch isch imma gämoand , ach Godd, bin isch sou dumm. Als isch awwa die Gschischd doo gherd häbb? Alla hobb , valaischd isch dess dumm sai doch voa Ebbes guud , doarum hewwisch als gloana Buu dann sou va misch gädengd : "Main liewa Schoalli , a sou dumm wie isch bin , a doo kann isch awwa wenigschdens nädd oa noch variggd wärre!"
Im Oggdowa 2019 - Karl Grimmer
Du muschd hald gänau die Midd dräffä!
Ma muss vasuchä inn saim Lewä am beschdä imma die Midd zu dräffä, nämlisch zwischä granoadämesisch gschaid unn ganz schää bleed, wann dess guud hiegrigsch dann langds doch, unn du hosch ä rischdischäss Gligg ghadd, a sou ischs doch odda nädd?
Unnsann schääne Dialeggd
Unn wann oa unnsa Jugend unn viel annare Laid imma widda soache unnsann Dialeggd der wär doch nedd schää unn schunn lang Doud , dann soag isch aisch all direggd unn ännergisch doodruff immawidda :
"Awwa dann hädd Eehr inn umgebroochd!"
"Isch bäschdimmd nädd?" -
unn awwl isch fäddisch!
A was soll isch aich ann noch vazeehlä, valaischd vunn dä aldä Beelä, a wann die hald koa Kaddoffl hewwä, a dann kännä sie oa koani schälä!
Unn noch inn Gruß ann die Hingl!
Druckversion 